دریمه ناحیه کي د ګذر خبرو اترو مجلس جوړ سو.
د کندهار ښاروالي د ښاري حکومتولۍ رئیس عبدالواحد شا هاشمي پر داسي مهال چي د ښاروالي سکټوري او تخنیکي امر،د ناحیې امر او په دریمه ناحیه کي د مربوطه سکټورونو استازي او د ناحیې مشرانو ګډون درلودی د ښاري خبرو اترو پرمهال یې مخامخ توګه مشکلات، وړاندیزونه او پیشنهادات سره شریک او مطرح کړه.
په ننني مجلس کښي د ښاري حکومتولۍ رئیس د دې ډول پروګرامونو پر اهمیت، دخلګو او دولت ترمنځ پر ښې همږغۍ ، د خلګو لپاره د دولت له روانو پلانونو څخه خبراوی او نور هغه څه یاد کړه چي د دې ډول پروګرامونو په اساس خلګ کولای سي معلومات تر لاسه کړئ.
وروسته په وار سره د دریمي ناحیې امر عبدالقوي قادري د ناحیې دعمومي حالت په اړه معلومات وړاندي کړه، سکټوري او تخنیکي امر د ښاروالۍ لخوا د روانو پروژو پلانونو او رغنیزو چارو په اړه معلومات وړاندي کړه دده وروسته د مربوطه امنیتي او سکټوري اداراتو استازو یو په یوه خبري وکړې او د خپلو فعالیتونو په اړ ه یي معلومات شریک کړه وروسته ددریمي ناحیې مشرانو او استازو چي دمربوطه سکټورونو څخه کومي پوښتني د رلودلې د مربوطه استازو لخوا ورته جوابونه وویل سول.
