د څوارلسمي ناحيې خلکو د ۶۴۰۰ تنو ښاريانو د تنفس له پاره د لازمي هوا زمينه برابره کړه

km_admin
یکشنبه ۱۳۹۸/۱۱/۱۳ - ۱۵:۱۷
distract 14

د څوارلسمي ناحيې خلکو د ۶۴۰۰ تنو ښاريانو د تنفس له پاره د لازمي هوا زمينه برابره کړه
شنبه/ ۱۲- سلواغه – ۱۳۹۸
د کندهار ښار د څوارلسمي ناحيې خلکو او د هغوی استازو د کندهار ښاروالي د نيالګيو راټولولو له کمېټې سره د ۱۶۰۰ بوټو نيالګيو مرسته وکړه. د ژوند په چاپېريال کي د سرسبزي شتون لازمي دی او دا ځکه چي هر نيالګی لږ تر لږه د ۴ کسانو له پاره د باکيفيته ژوند تر ټولو حياتي وسيله پاکه هوا (اکسيجن) برابروي.
دغه نيالګي چي نن يې کندهار ښاروالي ته وسپارل، په ۱۴ ناحيه کي ايښودل کېږي. د کندهار ښاروالي د مشورتي بورډ مرستيال او د څوارلسمي ناحيې د خلکو استازي حاجي نقيب الله حکيمي د نوموړي ناحيې د خلکو او د هغوی د استازو په استازولي وويل، دوی د مسؤلو ښاريانو په توګه يوازي له ښاروالي څخه خپل حقوق نه غواړي، بلکي د ښار او ښاروالي په وړاندي خپلي وجيبې هم پر ځای کوي، چي د نننيو نيالګيو برابرول يې بېلګه ده. ښاغلي حکيمي هيله څرګنده کړه چي د کندهار ښار د نورو ناحيو اوسېدونکي او د هغوی استازي هم د نورو برخو تر څنګ له کندهار ښاروالي سره د اړتيا وړ نيالګيو په برابرولو کي مرسته وکړي.
د کندهار مرستيال ښاروال حاجي محمد نسيم رضائي د څوارلسمي ناحيې له اوسېدونکو څخه مننه وکړه چي له خپل ښاري مسؤليت سره سم يې د کندهار ښار د چاپېريال په سمسورولو کي ونډه اخيستې او دا ۱۶۰۰ بوټي نيالګي يې په خپل شخصي لګښت چمتو کړي دي. هغه وويل، دا نيالګي به د څوارلسمي ناحيې په هغو سيمو کي کښېنول سي چي د کندهار ښاروالي د چاپېريالي سمسورتيا د پلان له مخي ورته اړتيا وي.
کندهار ښاروالي سږ کال د اړتيا وړ نيالګي ځکه د خلکو په مرسته چمتو کوي چي د نورو کلونو خلاف سږ کال هغه پيسې چي د نيالګيو پر رانيولو لګول کېدلې، هغه به د کندهار ښار د ښاري نيالګيو د آبيارۍ سيسټم پر معياري کولو لګول کېږي، تر څو د کندهار ښار د سرسبزه ساحې پراخولو او د نيالګيو زرغون ساتلو ته زمينه برابره سي.
د يادولو وړ ده چي تر دې مخکي د کندهار نورو بااحساسه ښاريانو هم له کندهار ښاروالي سره د نيالګيو د راټولولو کمېټې په وساطت مرسته کړې ده، چي د ښاروالي مقام يې قدراني کوي. د کندهار ښار هر بااحساسه اوسېدونکی چي غواړي له کندهار ښاروالي سره د نيالګيو مرسته وکړي او د کندهار ښار په سمسورولو کي ونډه واخلي، کولای سي د نيالګيو راټولولو کمېټې سره په اړيکه کي سي.

تازه خبرونه

دوشنبه ۱۴۰۰/۹/۱ - ۹:۴۹
Background image

کندهار ښاروال حسن حاجي صاحب:- د خپل پرسونل په همکاري سره مو ښاري نظم ته خاصه توجه کړې ده.

کندهار ښاروال حسن حاجي صاحب وایي د ناحیو دامریتونو ترڅنګ یې د ښاري انضباطاتو مدیریت ته دنده سپاري چي د کندهار ښاریانو د سهولت لپاره د ښار نظم ته ډیره پاملرنه وکړئ،تر څو ښاري نظم جود وي. . .

پنجشنبه ۱۴۰۰/۸/۲۷ - ۱۰:۴۷
Background image

کندهارښاروال حسن حاجي صاحب :ـ ملا امامان زموږ سر اوسترګي دي موږ به تل د خپلو معززه ملا امامانو مشورو او خبرو ته غوږ نیسو.

کندهار ښاروال حسن حاجي صاحب پر داسي مهال چي د ښاروالۍ سکټوري او مسلکي رئیس ،د عوادو،محاسیبې مالي او اداري چارو رئیس او دښاري حکومتولۍ رئیس یې ملتیا کول د ښار د علماو او ملا امامانو سره. . .

یکشنبه ۱۴۰۰/۸/۲۳ - ۹:۳۵
Background image

کندهار ښاروال حسن حاجي صاحب:- د خپل پرسونل په همکاري سره مو ښاري نظم ته خاصه توجه کړې ده.

کندهار ښاروال حسن حاجي صاحب وایي د ناحیو دامریتونو ترڅنګ یې د ښاري انضباطاتو مدیریت ته دنده سپاري چي د کندهار ښاریانو د سهولت لپاره د ښار نظم ته ډیره پاملرنه وکړئ،تر څو ښاري نظم جود وي. . .

BACK TO NEWS