د ښاري نظم ګډ کمېسيون پر احمدشاهي جاده باندي جدي نظارت ترسره کړٸ
دکندهار ښاروالي اړوند د ښاري نظم ګډکمېسیون له خوا داحمدشاهي جادې دسرسبزۍ اوښکلا ساتلو په موخه د څو ځلي جدي خبرتیاوو وروسته دهمدې عمومي جادې هغه سماوارونه، هوټلونه او نور پلورنځي چي بیا ئې هم د جادې په منځ او پياده روونو باندي خپل کاروبارونو ته ادامه ورکړې وه، دهمدې ګډ کمېسیون په همکاري عملاً ورباندي دنظارت چاري ترسره سوې.
دنظارت په دې پړاو کي د ښاري نظم ګډ کمېسیون د جادې په منځ او پياده روونو باندي د ټولو سماوارچیانو، هوټلونو او نورو پلورونکو سمان آلات راټول او ظبط کړل او سرغړونکي کسان ٸې د توسعه کولو په موخه امر بالمعروف ونهي عن المنکر رياست ته معرفي کړل.
د یاد نظارت په جریان کي په ښار کي د هغه خود سرانه پارکېنګونو یا تم ځایونو مخه هم ونیول سول، کوم چي د کندهار ښاروالۍ څخه د فعالېت جواز نه لري او پرعامو پياده روونو باندي يې پارکينګونه جوړ کړي وه، مسؤلین ئې و امربالامعرف ریاست ته معرفي سول.
د یادوني وړده، چي دښاري نظم کمېسیون د ښار سمسورتیا او سرسبزۍ ترڅنګ د ښاري نظم د راوستلو په موخه تل هڅه کوي، ترڅو هغه موانع لیري کړي، چي د ښاریانو د تکلیف او د ښاري نظم داخلال سبب ګرځي.
د ښاري بې نظمۍ د ختمیدو په موخه ټولو ښاریانو ته په کارده، چي د ښاري نظم او سمون په راوستلو کي پراخه ونډه واخلي،ځکه چي ښاري نظم د ټولو ښاریانو دنده ده!
