د ښاریانو د غوښتنو او پېشنهاداتو په اساس کندهار ښاروالي (۳۰۰) دانې کثافات دانۍ خریدارۍ کړې .
کندهار ښاروال انجنیر محمد رفیع حیات وایي د ښاریانو دغوښتنو او پېشنهاداتو په اساس یې (۳۰۰) نوي کثافات دانۍ خریداري کړي دي چي د ښار په بېلا بیلو برخو کښي به کښېښودل سي تر څو پر وخت او زمان هم د ښاریانو اړتیاوي پوره سوي وي او هم د ښارد بېلا بیلو برخو څخه کثافات انتقال سوي وي.
د ښاغلي حیات په خبره کندهار ښاروالي په ټولو امراتو کي د خپلو ښاریانو لپاره ښاري سهولتونه برابروي چي یو هم د ښاریانو د مهمو ضرورتونو څخه د ښار د کثافاتو لپاره د کثافات دانیو غوښتنه وه چي له ښه مرغه کندهار ښاروالي په دې وتوانېدل (۳۰۰) نوي کثافات دانۍ خریداري کړي او د ښاریانو د سهولت او د ښار د پاکوالي په منظور یې د ښار په اړوندو برخو کښي کښېږدي، ښاروال د دې نوو کثافتدانیو په ساتلو کي د ښاریانو همکاري وغوښتل.
