د کندهار ښاروالۍ او کندهار اطلاعاتو او فرهنګ رياست مسٶلينو د بيرغونو په اړه ګډه ناسته ترسره کړل!
سه شنبه ١۶ / ١١ / ١٤٠٢ ه ش کال
نن تر غرمې وروسته کندهار ښاروالۍ کښي د اطلاعاتو او فرهنګ رياست د مسٶلينو سره غونډه ترسره سول.
په ياده غونډه کښي د کندهار ښاروال حاجي ملا حکمت الله اخند، د کندهار اطلاعاتو او فرهنګ رٸيس مولوي انعام الله سمنګاني صاحب او د دواړو ادارو نورو مسٶلينو هم ګډون کړئ وو.
په نوموړې غونډه کښي پر دې بحث وسو تر څو په ښار کښي د زړو بيرغونو پرځاى نوي بيرغونه نصب کړل سي، او هم به د ډول ډول بيرغونو پر ځاى د رسمي بيرغونو څخه استفاده کيږي، د ښار د ښکلا لپاره او هم پر نقليه وساٸطو به هغه بيرغونه نصب کيږي چي يوازي لوګو ورباندي وي او په اداراتو کښي به هغه بيرغونه نصب کيږي چي کليمه پر ليکل سوې يي.
د يادي موضوع د تعقيب او عملي کولو لپاره به د ولايت محترم مقام په هدايت د مختلفو ارګانو څخه ډېر ژر يوه کمېټه هم جوړه سي او ياده کمېټه به په خپله برخه کښي اجراات ترسره کوي.
په درنښت
د کندهار ښاروالۍ
د ويب سايټ مديريت
