د کندهار ښاروالۍ د یوولسمي او ددولسمي ناحیې د ګذرونو انتخابات وسول !
د کندهار ښاروالۍ د لوري د ګذرونو د انتخاباتو لپاره د جوړي سوي کمیټې په موجودیت کي د یوولسمي ناحیې د اول، دریم او پنځم ګذر لپاره انتخابات ترسره سوه، چي پکښي د ۱۱مي ناحیې اول ګذر لپاره عبدالصبور صافي د سیال نه درلودلو په صورت کي وکالت وګټئ، اقبال د دریم ګذر لپاره د سیال نه درلودلو په صورت کي وکالت وګټئ او محمد حنیف د پنځم ګذر لپاره د سیال نه درلودلو په صورت کي د ګذر د وکیل په حیث وټاکل سو .
د دوولسمي ناحیې د اول ګذر لپاره محمود د عبدالروف زوی د سیال نه درلودلو په صورت کي د ګذر وکیل وټاکل سو، د څلرم ګذر لپاره دوه کاندیدان وه چي رفیع الله د عطاجان په ګټه تیر سو او نوموړی عطاجان د بل سیال نه درلودلو په صورت کي د څلرم ګذر وکیل وټاکل سو، د پنځم ګذر لپاره درې کاندیدان وه چي باچا ورته تېر سو، د مطیع الله کتابجې کمي وي او محمد عیسی د ۱۸۴ تایید کتابچو په اساس د پنځم ګذر وکیل وټاکل سو.
