د کندهار ښاروالۍ له خوا په پنځمه ناحیه کښي د ښاري خبرو اترو مجلس ترسره سو!
چهارشنبه ۲۱/۴/۱۴۰۲ هـ ش کال.
د ښاروالۍ سکټوري او تخنیکي نماینده، د ښاري حکومتولۍ آمر، د ټولنیزو او فرهنګي چارو آمر، د پنځمي ناحیې آمر، د آمنیتي او استخباراتي ادارو استازو او همدا رنګه د همدې ناحیې اولسي مشرانو او ځوانانو ګډون کړئ وو.
د اجنډا مطابق د ښاري خبرو اترو د مجلس موخي او اهدافو په اړه عامه پوهاوئ وګډون والو ته ورکول سو، ورپسې د کندهار ښاروالۍ د تخینکي او سکټوري ریاست نماینده انجینر ظاهر د پنځمي ناحیې اړوند د پرمختیایي چارو، روانو انکشافي پروګرامونو او پراخو فعالیتونو په اړه د همدې سیمي اوسېدونکو ته معلومات ورکړل او د خپلي وینا په پای کښي ئې د پنځمي ناحیې له اوسېدونکو څخه غوښتنه وکړل، چي خپل د کورونو د صفایي مالیه پر وخت تحویل کړي، ترڅو کندهار ښاروالي وکولائ سي په منظم ډول خپل انکشافي کارونو ته دوام ورکړي، ترڅو ښاریانو ته نور هم د ښه سهولت زمینه برابره سي.
ورپسې په یاد مجلس کښي د پنځمي ناحیې په سطحه باندي د همدې ناحیې امنیتي او استخباراتي مسؤلینو او استازو هم د همدې سیمي اوسېدونکو ته په امنیتي برخه کي خپل معلومات شریک کړل او د سیمي اوسیدونکو څخه ئې زیات خوښي وښودل چي د ښه امنیت په راوستلو کي زموږ سره پوره همکاري کوي او دوی ته ئې د ښه امنیت راوستلو په اړه ډاډ او اطمینان هم ورکړ.
د مجلس په وروستۍ شېبو کي په ترتیب سره ګډونوالو خپل سوالونه او غوښتني د ښاروالۍ له مسؤلینو او نورو ادارو له استازو سره شریکي کړې، چي د موجوده مسؤلینو لخوا په تفصیل سره جوابونه ورکول سول.
ياده غونډه د اختتاميه دعاء په ويلو سره پاى ته ورسېدل.