د کندهار ښار او ولسوالیو حدود معلومیږي.

د مرکز څخه راغلي پلاوي چي دسیمه ایزو ارګانونو خپلواکي ادارې استازی،ښاري پراختیاوزارت استازو او اړوندو ادارو استازو څخه جوړ ګډ پلاوی وو چي نن یې د کندهار ښاروالۍ د مرستیال عتیق الله حمید او دناحیو له امرینو سره مجلس درلودی. په مجلس کي دکندهار ښاروالۍ مرستیال عتیق الله حمید د مرکز څخه راغلي پلاوي ته د ښه راغلاست ویلو ترڅنګ وویل چي یاد پلاوی چي دڅو ادارو څخه جوړ دی د دې لپاره کندهار ښار ته راغلی دی ترڅو دلته د ناحیو او ولسوالیو حدودات معلوم کړي،او موجوده ستونزي حل کړي هغه د ناحیو له امرینو وغوښتل چي د راغلي پلاوي سره پوره همکاري وکړې وروسته د راغلي پلاوي په استازیتوب د سیمه ایزو ارګانونو دخپلواکي ادارې استازي د خپل سفر هدف مجلس ته وړاندي کړچي دطرزالعمل سره سم غواړي د افغانستان دنورو لویو ښارونو ترڅنګ کندهار ښار کي هم له ناحیو او ولسوالیو حدود معلوم کړي ترڅو دلته ښاري نظم په اوجود راوړل سوی وي،په ښه توګه سره متوازني پراختیا ته زمینه برابره سوې وي،

دناحیو اوسېدونکوته خپل د ناحیې سرحد معلوم سوي وي او په دې برخه کي پرتې ستونزي حل اوفصل سوي وي هغه همداراز وویل د ناحیو امرین او د اړوندو ادارو استازو د مرکز څخه د راغلي پلاوي سره په ګډه همږغي او همکاري سره دا ثابته ولای سي چي په ښه توګه سره به د کندهار ښار دناحیو او ولسوالیو حدود په تخنیکي توګه سره معلوم سي . وروسته د ناحیو د امرینو او د اړوندو ادارو د استازو هغه پوښتونو ته هم مربوطه استازوجوابونه وویل کوم چي په دې برخه کي یې درلودل یاده دي وي چي یاد پلاوی به نن خپل کار پیل کړي ا وپه تخنیکي توګه سره به دناحیو او ولسوالیو حدود معلوم کړئ.