د کندهار ښار په شمال ۱۲ ناحيه کښي د ميانکو بند جوړ او ګټي اخيستني ته وسپارل سو!
چهار شنبه ٢۷ / ١٠ / ١٤٠٢ ه ش کال
دغه بند چي د کندهار ښار په شمال ١٢ ناحيه کښي د کندهار ښاروالۍ تر نظارت لاندي د UNDP ادارې په مالي لګښت او برک مٶسيسې يې عملي چاري سرته رسولې د ( 10,3 ) ميليونه افغانۍ په لګښت جوړ او ګټي اخيستني ته وسپارل سو.
د نوموړي بند د ګټي اخیستني په مراسمو کښي د ښاروالۍ د مسٶلينو ترڅنګ د اقتصاد رياست رئیس، د UNDP ادارې ساحوي مسٶلينو, د برک مٶسيسې مسئولینو، د ډیرو نورو ادارو مسئولینو او عامو خلکو ګډون کړئ وو.
دغه چیګ ډېم چي ۱۵۰ متره اوږدوالۍ، ۵۰ متره بردوالۍ او د ۹ متره په جګوالي سره جوړسو د ۱,۵ ميليونه متره مکعب اوبو د ذخيره کولو وړتيا لري چي ټولي رغنيزي چاري يې د ۳ مياشتو په موده کښي بشپړي سوې.
د همدې بند په جوړولو سره به د ښار د شپږو ناحیو څخه د سيلابي اوبو مخه نيول سوې وي چي تقريبا ۱۲ زره کورنۍ د سېلابونو له خطر څخه ژغوري.
د ياد بند په جوړولو سره د همدې سيمي خلګو زياته خوښي و ښودل او دغه بند يې د سيلابونو د خطر په مخنيوي کښي او هم د اوبو د سطحي په لوړولو کښي ډېر مهم او اساسي ګام ياد کړٸ.
په درنښت
د کندهار ښاروالۍ د ويب سايټ مديريت
