په شپږمه ناحیه کښي د ګذر خبرو اترو غونډه جوړه سوه.
د کندهار ښاروالۍ د ښاري حکومتولۍ رئیس عبدالواحد شاه هاشمي پر داسي مهال چي د ناحیې امر او د شپږمي ناحیې ولسي مشرانو یې ملتیا کول په شپږمه ناحیه کښي یې د ګذر خبرو اترو مجلس جوړ کړ.
یاد مجلس ته د ښاري حکومتولۍ رئیس پرانستونکې وینا وکړه هغه د خپلو خبرو پرمهال وویل د ګذر دخبرو اترو د غونډي څخه یې هدف دا دی چي د ناحیو اوسېدونکي خپل اړوند مسؤلین وپېژني،له چارو او کارونو یې خبر واوسي،د ولس او دولت ترمنځ همږغۍ موجوده سي،د ناحیو اوسېدونکوته په ورځني چارو کښي اسانتیاوي رامنځته سي،ښاري حکومتولۍ ته لاره هواره سي، د دولت په تصامیموکښي خلګوته د ګډون زمینه برابره سي او په صورت عموم کښي ولس او دولت یو واحد کار په ښه توګه سره سرته ورسوي،د شپږمي ناحیې امر ادریس احمد یار د شپږمي ناحیې لپاره پر راتلوونکو پلانونو،روانوچارو،دناحیې او خلګو ترمنځ پر ښې همږغۍ بحث وکړ.
په ننني مجلس د برېښناریاست استازو د موجوده برق جګشنونو په اړه معلومات وړاندي کړه او د مربوطه حوزې د پولیسو او ملي امنیت مسؤلینو هم د خپله اړخه د مجلس د ګډؤنوالو سره دخلګو او پولیسو پر ښې همږغۍ بحث وکړ.
وروسته د مجلس د ګډونوالو سوالونوته هم د مربوطه مسؤلینو لخوا جوابونه وویل سول.
