په کندهار ښاروالۍ کي د ۱۴۰۲ مالي کال د لومړۍ ربعي د شفافیت او حساب ورکولو غونډه جوړه سول!

mohammadi_admin
پنجشنبه ۱۴۰۲/۵/۱۲ - ۸:۱۴
شفافيت او حسابدهي

غونده د قران کریم په مبارکو آیاتونو سره راپیل سول.

کندهار ښاروالۍ د ښاري حکومتولۍ د ریاست له لوري د ۱۴۰۲ مالي کال د دریو ریاستونو اړوند د لومړۍ ربعي د شفافیت او حساب ورکولو غونډه ترسره سول، چي په کښي د کندهار ښار دبېلا بیلو ناحیو د ګذرونو وکیلانو، د مشورتي شورا ځینو غړو،علماوو، مخورو، سپین ږیرو او ځوانانو ګډون کړئ وو.

د غونډي په پیل کي د تخنیکي او مسلکي چارو ریاست رئیس مولوي نورالباقي حقاني ټولو ګډون والو ته افتتاحیه وینا وکړل او د وینا ترڅنګ ئې د ننۍ مجلس چي د شفافیت او حساب ورکولو په موخه جوړ سوئ وو، پوره وضاحت د ګډون والو سره شریک کړ.

ورپسې د ښاري حکومتولۍ په استازیتوب د شفافیت او حساب ورکولو مدیر محمد عمر صابر د ښاري حکومتولۍ پر فعالېتونو ، د شفافیت او حساب ورکولو پر مواردو، په ښاروالۍ کي د ښاریانو پر مشارکت، د عامه پوهاوي په پرګرامونو او داسي نورو هغو موضوعاتو باندي وګډون والو ته خبري وکړې، چي د یاد ریاست په چارو پوري اړه لري او ددې ترڅنګ ئې د کندهار ښاروالۍ د ۱۴۰۲ مالي کال د عوایدو، محاسبې او اداري چارو ریاست د لومړۍ ربعي پر عوایدو، مصارفو او د ښاروالۍ اداري خدماتو په اړه معلومات وړاندي کړل.

ورپسې د تخنیکي او مسلکي ریاست آمر د کندهار ښار د روانو پروژو، پرمختیايي چارو، تنظیف او سرسبزۍ اړوند خپل راپور د ګډون والو سره شریک کړ.

ددې ترڅنګ په ننۍ مجلس کي د مارکېټونو د تنظیم مدیر د ډوډۍ پر وزن او نرخ، د هوټلونو صفايي، د تاریخ څخه د تیرو اجناسو کمپاینونه، د قصابۍ کنټرول، د تولیدي کارخانو کنټرول او د ښار د عامه نظم د کنټرول اړوند خپل ګذارش وړاندي کړ.

وروسته د کندهار ښاروالۍ د پلان آمر عبدالولي ماکو د خپلو پلان سوو او انکشافي پروژو په اړه درنو ګډون والو سره معلومات شریک کړل.

د غونډي په پاي کښي ګډون والو له همدې جوړي سوي غونډي هرکلئ وکړ او خپل نظرونه ، غوښتني او پوښتني ئې د ښاروالۍ له مسؤلینو سره شریکي کړې او د ښاروالۍ د اړوند برخو مسؤلینو د دوئ پوښتونو، ستونزو او غوښتونو ته ځوابونه وویل.

ياده غونډه د اختتامیه دعاء په ویلو سره پای ته ورسیدل.

تازه خبرونه

پنجشنبه ۱۴۰۳/۱/۹ - ۱۰:۳
Background image

کندهار ښاروالۍ د اتمي ناحیې اړوند په دوهم ګذر کي د ۶ کوڅو د جوړولو چاري راپیل کړي دي.

کندهار ښاروالي د خپلو پراخو پرمختیايي فعالېتونو په لړۍ کي داځل د ښار په ۸ ناحيه، ۲ ګذر کي د یوې چرۍ په شمول د ۶ کوڅو د جوړولو چاري راپيل کړي دي چي اوس مهال د ابوذر غفاري په سیمه کي د. . .

یکشنبه ۱۴۰۳/۱۲/۲۷ - ۱۰:۸
Background image

د کندهار ښاروالۍ له لوري د نهال شانۍ پسرلنۍ غونډه ترسره سوه!

کندهار ښاروالۍ د ښار سمسورولو په موخه د نهالانو د ايښودلو غونډه ترسره کړه، چي په کښي د مرستیال ښاروال مفتي قدرت الله الوصال په ګډون، د کندهار ښاروالۍ تخینکي او سکټوري رئیس مولوي. . .

یکشنبه ۱۴۰۳/۱۲/۲۷ - ۱۰:۲
Background image

د نرخونو کنټرول په موخه د نظارت لړۍ جريان لري!

د کندهار ښاروالۍ اړوند د مارکيټونو تنظیم امريت نن د کندهار ښار د دوو لويو مارکيټونو چي يو د ۵ ناحيي په مربوطاتو کي مهمند مارکيټ او بل د ۷ ناحيي د مېوې مارکيټونو څخه د ترباري د نرخونو. . .

BACK TO NEWS