په کندهار ښار کي د نیالګیو کښېنولو لړۍ پیل سوه.
کندهار والي الحاج روح الله خانزاده پر داسي مهال چي د ولایت مقام مرستیال فیصل شیرزی، په ولسي جرګه کي د کندهار دخلګو استازی حاجي سیداحمد سیلاب، کندهار ښاروال انجنیر محمد رفیع حیات او د سکټوري ریاستونو رئیسانو یې ملتیا کول په کندهار ولایت مقام کښي دنیالګیو کښېنولو لړۍ پیل کړه کندهار والي الحاج روح الله خانزاده له ښاریانو وغوښتل د ښار په سرسبزه کولو کي نیالګي کښينوي او پروخت یې پالنه وکړئ،وروسته کندهار ښاروال انجنیر محمد رفیع حیات دخپلو خبرو پرمهال وویل سږ کال کندهار ښاروالي ۳۰زره نیالګي د کندهار ښارپه بېلابیلو برخو کښي کښېنوي، او معیاري پالنه یې کوي همدارنګه کندهار ښاروال پر کندهار ښاریانو ږغ وکړ چي د تیر کال په څېر د ښاروالي سره د نیالګیو په مرسته کي کومک وکړئ ترڅو کندهار ښاروالي وکولای سي هم یې کښېنوي او هم یې پالنه وکړي ولي هغه پیسې چي کندهار ښاروالي یې دنیالګیو د رانیولو په برخه کي په پلان کي نیسي هغه پیسې په معیاري او اساسي توګه سره دنیالګیو اوبو ورکونه او اساسي سیسټم جوړونه باندي مصرف کوي چی ښه مثال یې کندهار ښاروال د ښار د مهمي جادې شهید لوی پاسوال عبدالرازق خان جاده یاده کړه چي د نیالګیو لپاره هلته ورته په اساسي توګه سره د اوبو ورکوني سیسټم جوړ سوی دی وروسته په وار سره د چاپیریال ساتني،کرهڼي او د ارغنداب د دریایي حوزې مسؤلینو هم خبري وکړې او د روان کال لپاره یي د نیالګیو په کښېنونه کي دخپلو اړوندو ریاستونو لخوا اماده ګي په ډاګه کړه او له ښاریانو یې وغوښتل د کندهار ښار په سرسبزۍ ا وسمسورتیا کي ښاري مسؤلیت اداکړئ.
