کندهارښاروال: د ولسوالیو له ښاروالیو سره دیوه ګډ او متحد ټیم په شکل کار کوو.

کندهار ښاروال انجنیر محمد رفیع حیات نن پر داسي مهال چي د ښاري حکومتولۍ رئیس هم حاضر وو د خپل کار په د فتر کښي دولسوالیو له ښاروالانوسره لیدنه درلودل .

په لیدنه کښي پر یوشمیر موضوعاتو مفصلي خبري وسوې، په یاد مجلس کښي د ښاري حکومتولۍ رئيس عبدالواحد شاه هاشمي وویل داچي کندهار ښاروالۍ د ولسوالیو له ښاروالیو سره یوه ګډه د همږغۍ او همکارۍ شبکه جوړه کړې ده نو ځکه اړتیا ده چي باید د هر کله په څېر یاده شبکه فعاله وساتل سي او کارونه د پخوا په شان همږغي سره مخته ولاړ سي .

کندهار ښاروال وویل کندهار ښاروالۍ به په تخنیکي برخه کي،د ظرفیت لوړوني په عرصه کښي،بودجه جوړوني ،د ځوانانو په تقویت او د ورورولۍ د روحیې په پياوړتیاکښي ،ورزشي برخه کي،او مشورې ورکولو په برخه کي هر وخت ستاسو سره په ګډه کار کوي ترڅو د ولسوالیو اوسېدونکو لپاره ستاسو په مرسته ښاري سهولتونه برابرسي،او د ځوانانو ترمنځ د صمیمیت فضا رامنځته سي.

د ښاغلي حیات په خبره تاسو خپل لومړیتوبونه وټاکئ ،مهم او اړین ضرورتونوته پکښي لومړیتوب ورکئ او په ګډه یې له مرکزي ادارې سره تعقیب کړئ.

همدا ډول کندهار ښاروال یادونه وکړه کندهار ښاروالي به د یوه ګډ او واحد ټېم په شکل ستاسو سره ستاسو د لومړیتوبونو او ضرورتونو په عرصه کښي هر وخت همکاره وي، کندهار ښاروال د ولسوالیو ښاروالانو ته ډاډ ورکړ چي په ولسوالیو کښي به د پروژو او بنیادي کارونو د ښه ترسره کولو په منظور ددوی سره د یوه ګډ ټېم په شکل مرکز ته ځي او په ګډه سره به د ولسوالیو لپاره له مرکزي ادارې څخه همکاري را جلبوي،د دې ترڅنګ کندهار ښاروال د کندهار ښاروالۍ مامورینو ته په هر ظرفیت لوړوني او د نورو مهمو پروګرامونو په جوړېدا کښي د ولسوالیو د ښاروالیو د مامورینو شتون مهم وبلئ ترڅو د ښاغلي حیات په خبره د کندهار ښاروالۍ د مامورینو سره یوځای د ظرفیت لوړوني د روزنیزو پروګرامونو چانس ترلاسه کړي او پخپلو کاري ساحو کښي د ښو تجریبو څخه کار واخلي ،وروسته د ولسوالیو ښاروالانو له کندهار ښاروال څخه د منني ترڅنګ چي همېشه یې غېږه ورته خلاصه کړې او په ډيرو اړینو او سختو حالاتو کښي یي هم مشورې ورکړي او همکاري یي ورسره کړې خوښي و ښوول او یادونه یې وکړه چي نور به د ظرفیت لوړوني،د ځوانانو د منسجم کولو،بودجې جوړوني او ښاري فرهنګ د ودي په عرصه کښي له کندهار ښاروالۍ سره په ګډه کارکوي او له تجاریبو به یي اعظیمي استفاده کوي.

یاده دي وي چي کندهار ښاروالۍ د ولسوالیو له ښاروالیانو سره یوه ګډه د همږغۍ شبکه لري چي وخت پر وخت ورسره مجلسونه دایروي ترڅو د ستونزو د حل ترڅنګ پر نوو پلانونو او پروګرامونو باندي هم مشورې سوي وي او هم ګډ کار ته زمینه سازي سوې وي.