کندهار ښاروالي د ډنډ چوک لوېدیځ طرف ته د ملاحسن اخوند واټ عمومي اوفرعي سړکونه جوړوي .
کندهار ښاروال انجنیر محمد رفیع حیات پر دا سي مهال چي د ښاروالي انجنیري ټیم او د شپږمي ناحیې ولسي مشرانو او استازو یې ملتیا کول د ښار د شپږمي ناحیې اړوند د ډنډ چوک لوېدیځ طرف ته د ملاحسن اخوند واټ عمومي سړک افتتاح کړ چي د ښاغلي حیات په خبره د روان مالي کال تر وروستیو پوري به یي چاري تکمیل سي .
یاد سړک چي ۶۲۵۸متره مربع مساحت لري ۶،۶میلونه افغانۍ ورباندي لګښت راځي چي د کندهار ښاروالي د پرمختیایي بودجې څخه ورکول کیږي .
کندهار ښاروال انجنیر محمد رفیع حیات د یاد سړک د پرانیستلو پر مهال وویل یاد سړک په معیاري او اساسي توګه سره جوړیږي چي د شپږمي ناحیې اوسېدونکوته د سهولت راوستلو ترڅنګ په کندهار کي د میرویس نیکه لوړو زده کړو مؤسسې د محصیلینو لپاره هم سهولت اجادوي هغه پر کندهار ښاریانو ږغ وکړ ښاروالي یوه تصدي ده خپل ټول خدماتي فعالیتونه د ښاریانو له عوایدو تمویلوي که ښاریان خپل دصفایي ټکسونه او محصولات پروخت تحویل کړي کندهار ښاروالي به نوره هم توانېدلې وي متوازنه پراختیا رامنځته کړي په ورته وخت کښي د میرویس نیکه لوړو زده کړو مؤسسې استادانو،د شپږمي ناحیې ولسي مشرانو او استازو د کندهار ښاروالي څخه د منني ترڅنګ ژمنه وکړه چي دښاروالي سره به تل همکاري کوي او په ګډه به دښار د پرمختګ او ترقۍ پر لوري ګام اخلي .
