کندهار ښاروالي د ښار دصالونونو، هوټلونو او د هوټلونو او صالونونو له پارکینګونو څخه نظارت ترسره کړئ!
د کندهار ښاروالۍ اړوند د مارکېټونو تنظیم آمریت، د امنیه قومندانۍ په ګډه همکاري دا ځل د ښار صالونونو، هوټلونو او د هوټلونو او صالونونو له پارکېنګونو( تم ځایونو) څخه د نظارت چاري ترسره کړې.
په ياد نظارت کي د مسؤلینو له خوا د صالونونو او هوټلونو دکارکوونکو مشخص لباس او صحت کارډنه وکتل او ترڅنګ ئې د حفظ الصحې مراعتولو په اړه جدي لارښووني او سپارښتني هم وکړې.
په ورته مهال کي د ښاروالۍ له خوا د پارکينګونو لپاره د ښاروالۍ د نرخنامې او لایحې د عملي کولو په موخه دښار هوټلونو له پارکېنګونو څخه هم نظارت ترسره سو او مسؤلینو ته ئې د ټاکل سوي نرخنامې او لایحې په عملي کولو ټینګار وسو او جدي خبر ورکړل سو، چي تعین سوې نرخنامه عملي کړئ او که څوک له عملي کولو څخه سرغړونه وکړي له قانوني چلند سره به مخ سي، بیا حق د شکایت نه لري.
