کندهار ښاروالي په دوهمه ناحيه کي د نورزو شابرج او يخ کارېز وصلېدونکي سړک باندي د خرما او نور زينتي بوټو د کرلو ترڅنګ کثافت دانۍ هم نصب کړې!
کندهار ښاروالۍ په دوهمه ناحيه کښي د نورزو شابرج او يخ کارېز وصلېدونکي سړک څو ورځي مخکي په اساسي ډول ورغوی او نن پنج شنبه يې د ياد سړک د ښايست په موخه په جوړ سوي ګلدان کښي د خرما او نورو زينتي بوټو نهالان کښېښودل.
او ددې ترڅنګ يې د نوموړي سړک پر پياده رو باندي کوچنۍ کثافت دانۍ هم نصب کړې تر څو پر ياد پياده رو باندي تلونکي کسان کثافات او نور پلاستيکونه په ياده کثافت دانۍ کي واچوي.
د يادوني وړده چي کندهار ښاروالۍ د ښار هغه سړکونه چي سږ کال جوړ سوي د هغو پر ټولو پياده روونو باندي کوچنۍ کثافت دانۍ هم کښېښودلې تر څو پياده تلوونکي کسان پکښي کثافات او پلاستيکونه واچوي.
