کندهار ښاروالي ښاریانو ته د درو ربعو حساب ورکړئ
د کندهار ښاروالي د ښاري حکومتولۍ د رئیس عبدالواحد شاه هاشمي تر مشرۍ لاندي د شفافیت او حساب ورکولو غونډه جوړه سوه چي پکښي د مشورتي بورډ غړو، د ۱۵ ناحیو د ګذرونو وکیلانو، د کسبه کارانو استازو، مدني ټولنو استازو او ځوانانو پکښي برخه لرل.
غونډي ته په پرانیستونکې وینا کښي د ښاري حکومتولي رئیس وویل کندهار ښاروالي تل خپلو ښاریانو ته جواب ویونکې ده او تر څنګ یې هر وخت خپل انکشافي پلان، بودجه، راتلونکي پلانونه او نور ښاري موضوعات پر وخت له ښاریانو سره شریک کړي دي.
وروسته پر پروجکټور باندي ښاري حکومتولۍ، تهیه او تدارکات، سکټوري او تخنیکي ریاست مسؤلینو خپل ترتیب سوي پرېزینټېشنونه ارایه کړه، چي پکښي د کندهار ښاروالي تیرو روانو او راتلونکو فعالیتونو ته ځای ورکول سوی و.
د مجلس د ګډونوالو سوالونو ته هم د اړوندو مسؤلینو لخوا جوابونه وویل سول.
