کندهار ښاروالي کي د یو لړ مهمو او لازمو موضوعاتو د تائید او تصویب په موخه اداري نوبتي مجلس تر سره سو!
د کندهار ښاروالۍ د غونډو په تالار کښي په یو لړ مهمو موضوعاتو باندي اداري مجلس دائر سو، په یاد مجلس کي دکندهار مرستیال ښاروال مفتي قدرت الله الوصال په شمول، د کندهار ښاروالۍ د درې ګونو ریاستونو رئیسانو، د پنځلسو ناحیو آمرینو، د ساختمانۍ چارو عمومي مدیر، د پلان آمر او دښاروالۍ نورو آمرینو او مدیرانو ګډون کړی وو.
یاد اداري مجلس چي د قرآن کریم په څو مبارکو آیاتونو سره راپېل سو، پېل کي د پلان ګذارۍ او انکشاف آمر د انکشافي او پرمختیايي چارو دمعلوماتو ورکولو ترڅنګ په ښار کي د مخابراتي لینونو د منظم تېرولو په اړه خپل معلومات شریک کړل.
وروسته مجلس د اجنډا سره سم راپيل سو.
د نظارت او ارزیابۍ آمر په ښار کي د تنظیف چاري د خصوصي سکټور له لوري ترسره کول په دې اړه ئې خپله موضوع د مجلس ګډون والو ته وړاندي کړل.
په یاد اداري نوبتي مجلس کي د ذکر سوو موضوعاتو سربیره د ښاروالۍ له چارو سره سم پر نورو اړینو او لازمو موضوعاتو باندي هم د ګډون والو له خوا بحث وسو.
پر موضوعاتو باندي له بحث وروسته د اداري مجلس په وروسیتو کښي د مسؤلینو دنظر اخيستلو وروسته د کندهار مرستیال ښاروال مفتي قدرت الله الوصال له خوا لاندي موضوعات د تائید او تصویب په موخه په مختصره توګه وړاندي سول.
۱: ټول تجارتي او رهایشي ځایونه اعمار د ښاروالۍ د اصولو له مخي ترسره سي. ۲: دښه او منظم تخنیکي کنټرول په خاطر اوږد مهاله او غټي پروژې دي په جلا جلا برخو سره ساختماني شرکتونو ته ورکړل سي.
۳: په ښار کي د مخابراتي لینونو تېرول د جوړ سوي پلان له مخي ترسره سي.
۴: تخنیکي او سکټوري ریاست ته دنده وسپارل سول، چي دیوې منظمي طرحي جوړولو وروسته په ښار کي د کثافاتو د انتقالولو ټولي چاري دي خصوصي سکټورونو ته د قرارداد په بڼه ورکړئ.
ننی اداري مجلس د دعاء په ویلو سره پای ته ورسېد.
