کندهار ښاروالۍ د نورزو شابرج او يخ کاريز وصلېدونکي سړک د قيريزي کولو چاري راپيل کړې!
کندهار ښاروالۍ د خپلو انکشافي کارونو په لړ کي داځل د ښار په دوهمه ناحيه کي د نورزو شابرج او يخ کارېز وصلېدونکي سړک د قيريزي کولو چاري راپيل کړې.
د ياد سړک په وصل کېدلو سره به د کندهار ولايت ډنډ ولسوالي، پنجوايي ولسوالي او د کندهار ښار جنوبي برخه به په ډېره لنډه فاصله کي د ښار د مرکزي نقطو سره وصل سي او هم به د ښکار پور دروازې پر سړک د ترافيکو ګڼه ګوڼه ختمه سي.
د ياد سړک ټولي رغنيزي چاري به ډېر ژر بشپړي سي او د ترافيکو پرمخ به ګټي اخيستني ته وسپارل سي.
د همدې مهم او اساسي وصلېدونکي سړک په رغولو سره د سيمي خلګو او د همدې لاري تلوونکو کسانو زياته خوښي وښودل او د کندهار ښاروالۍ د دې مهم ګام څخه يې ځانګړې مننه وکړل.
