کندهار ښاروالۍ په دریمه ناحیه کښي د ګل قلعچې سړک د قيريزۍ کولو چاري راپيل کړې!
کندهار ښاروالۍ ښاریانو ته د اوليه خدماتو، ترانسپورټي او سیمه ییزو آسانتیاوو د رامنځته کولو په موخه نن پنج شنبه د دریمي ناحیې اړوند د ګل قلعچې سړک د قيريزۍ کولو چاري په اساسي شکل سره عملاً راپيل کړي
د نوموړي سړک د قيريزۍ کولو چاري کندهار ښاروال حاجي ملا حکمت الله اخند د خپل تخنيکي ټيم په ملتيا رسماً افتتاح کړې.
دغه سړک چي ۷۸۷ متره اوږدوالۍ او ۱۲ متره بردوالۍ لري د قيريزۍ طبقو ټولي رغنيزي چاري به يې د راتلوونکي اونۍ تر پايه پوري په اساسي شکل سره بشپړي او د ترافيکو پرمخ به پرانيستل سي.
د يادوني وړ ده چي ددغه سړک په جوړولو سره به د دارالمعليمن عمومي سړک د بای پاس عمومي سړک سره وصل سي.
د همدې سړک په اساسي ډول رغولو سره د سيمي اوسېدونکو زياته خوښي وښودل او د کندهار ښاروالۍ څخه ئې ځانګړې مننه وکړل
په درنښت
د کندهار ښاروالۍ
د ويب سايټ مديريت
