کندهار ښاروالۍ په نوښت د کندهار ښاروالۍ د ولسوالیو ښاروالیو ته د ظرفیت لوړوني پروګرام جوړ سو!
د کندهار ښاروالۍ مرستیال م فتي قدرت الله الوصال، د ښاري حکتولۍ رئیس حاجي تحویلدار صاحب او سکټوري او تخنیکي امر حسن الله اجواد نن هغه غونډه کښي ګډون وکړ کوم چي د ښاري حکومتولۍ ریاست لخوا د ولسوالیو ښاروالیو مامورینو ته د ظرفیت سازۍ په مورد جوړه سوې وه. غونډي ته لومړۍ وینا مرستیال ښاروال ښاغلي الوصال وکړه، هغه وویل لومړی ښه راغلاست درته وایم خدای مو راوله پخیر راسئ، د کندهار ښاروالۍ لخوا د دغه سي پروګرامونو څخه هدف دادی ، چي د بشر ژوندانه ته لابهتره ښاري اسانتیاوي برابري سي، د مامورینو ظرفیت لوړ سي او په اخلاص سره مامورین وکولائ سي د دغه سي هر اړخیزه پروګرامونو څخه په ښه تجربه موثره خدمت وکړي، ښاغلي الوصال وویل: د ښاروالیو د نظم سمووني لپاره د ښاري اصولو د پېژندني لپاره، او د چارو د بقا او پیاوړتیا لپاره دغه سي پروګرامونه له ښه مرغه ښه پایلي لري، مرستیال ښاروال وویل:
د خدای ج شکر باید اداء کړو چي د خدمت موقع یي راکړې او باید په پوره صداقت او امانت سره د هري دغه سي ښې موقع اعظیمي استفاده وکړو، وروسته د ښاري حکومتولۍ رئیس حاجي تحویلدار صاحب خبري وکړې هغه وویل: دننني مجلس ټول ګډونوال ددې پروګرامه تجربه حاصله کړي، اساسي زده کړه وکړئ، ترڅو ښه ښاري خدمات اړوندو ولسوالیو برابر سوي وي، وروسته د کندهار ښاروالۍ د ښاري حکومتولۍ په استازیتوب موسی جان ذاهد په مسلکي او اساسي توګه سره د مامورینو د ملکي خدمتونو دکار قانون مرحلې، اداري مراسلاتو، دفتردارۍ او نورو برخو پریزینټېشن ارائیه کړ، مسلکي او مهم اداري فکټورونه یې تشریح کړه او د مامورینو د لامعلوماتو حاصلولو لپاره یې ارزیابۍ پروسه هم واضیح تشریح کړه، وروسته سکټوري او تخنیکي امر حسن الله اجواد د ساختمان د اعمار تګلاره، قانوني مرحله او نورو تخنیکي برخو کښي مسلکي معلومات له ګډونوالو سره شریک کړه، وروسته د هر اړخیزه ازاد بحث د لاري د ښاروالیو د مامورینو اړوندو پوښتنو ته جوابونه وویل سول.
