کندهار ښاروالۍ په ( ۴ ) ناحیه کښي د ښاري خبرو اترو مجلس ترسره کړ!
سې شنبه ۲۳ /۳ /۱۴۰۲ هـ ش کال
د کندهار ښاروالۍ له لوري په څلورمه ناحیه کښي د ښاري خبرو اترو مجلس جوړ سو، چي په کښي د ښاروالۍ سکټوري او تخنیکي آمر، د ښاري حکومتولۍ آمر، د ټولنیزو او فرهنګي چارو مدیر، د څلورمي ناحیې آمر، او نورو اړوند مسؤلينو ګډون کړئ وو.
یاد پروګرام د قرآن کریم په څو مبارکو آیتونو سره راپیل سو. ور پسې د کندهار ښاروالۍ د ښاري حکومتولۍ آمر (رفيق احمد قريشي) د برنامې موخي او اهداف و ګډونوالو ته بیان کړل، وروسته د کندهار ښاروالۍ تخینکي او سکټوري آمر (حسن الله اجواد) د خپلو انکشافي او پرمختیايي پروژو اړوند معلومات و ګډونوالو ته وړاندي کړل او هم ئې د هغه فعاليتونو څخه يادونه وکړل چي د ښاروالۍ له لوري په څلورمه ناحيه کښي ترسره سوي دي.
ور پسې د همدې سيمي د ګډونوالو په نماينده ګي يو تن خبري وکړې او د کندهار ښاروالۍ څخه ئې ځانګړې مننه وکړل چي په څلورمه ناحيه کښي يې خپل انکشافي فعاليتونه زيات کړي، او هم يې خپل غوښتني او پښتني د کندهار ښاروالۍ له مسؤلينو سره شريکي کړې، د دوئ پوښتنو ته د موجوده مسؤلینو لخوا په تفصیل سره جوابونه ورکول سو.
ياده غونډه د اختتاميه دعاء په ويلو سره پاى ته ورسېدل.
