کندهار ښاروال حسن حاجي صاحب: خپل ښار او ګران ښاریان ډیر راباندي ګران دي د دوی لپاره په اخلاص خدمت کول موږ ته انرژي راکوي!

zroohi_admin
چهارشنبه ۱۴۰۱/۱۱/۵ - ۱۳:۱۳
د اتمي ناحيې بيا رغوني چاري.

 

دغه څرګندوني کندهار ښاروال حسن حاجي صاحب نن د کندهار ښاروالۍ له لوري د یوې مهمي او اساسي پروژې په پرانیست غونډه کښي وکړې کوم چي په اتمه ناحیه کښي افتتاح سوه.

کندهار ښاروال حسن حاجي صاحب پرداسي مهال چي سکټوري او تخنیکي رئیس احمد جاوید میوند یې ملتیا کول د اتمي ناحیې د اولسي مشرانو په ملتیا په ګوندیګان سیمه کښي هغه پروژه افتتاح کړه کوم چي د همدې سیمي په شمول به په کندهار ښار کښي د کندهار ښاروالۍ په پرمختیایي بودجه ملبغ/(۹۴۰، ۶۷۷، ۱۷) اوولس میلیونه شپږ سوه اووه اویا زره نهه سوه څلویښت افغانۍ د پلچکانو،کوڅو،چریو او سلبونو جوړولو چاري عملأ پیل سي چي په دې مهمه او اساسي پروژه کښي په فني شکل ۵۰ نفرو او غیري فني شکل به ۱۲۰کسانو ته کاري زمینه سازي وسي او په راتلوونکو درو میاشتو کښي به دا اساسي او مهمه پروژه ګټي اخیستني ته وسپارل سي .

کندهار ښاروال وویل: دکندهار ښاروالۍ له لوري د خپل انکشافي پلان او پرمختیایي بودجې په اساس په کندهار ښار کښي هره بنیادي او مهمه پروژه د اولسونو او ښاریانو ستونزي رفعه کوي ،کاري فرصتونه منځته راوړي، دښار بڼه مثبت لوري ته تغیروي،او دې تاریخي ښار ته یوه ژوندۍ روحیه ورکوي،کندهار ښاروال حسن حاجي صاحب د خپلو ګرانو ښاریانو څخه غوښتنه وکړه چي د عام المنفعه پروژو په ساتنه کښي په ښه توګه سره وظیفوي مسؤلیت ادا کړي،د ښاروالۍ د صفایي ټکسونه او محصولات پروخت تحویل کړي ترڅو کندهار ښاروالي په خپله انکشافي برخه کښي نوره هم چټکتیا راولي ،وروسته دکندهار ښاروالۍ سکټوري او تخنیکي رئیس احمد جاوید میوند د کندهار ښاروالۍ په پرمختیایي برخه باندي معلومات وړاندي کړه،د ښاروالۍ روان پرمختیایي پروګرامونه یې تشریح کړه او د ښاروالۍ په پلانونو کښي یې د ښاریانو همکاري اړینه وبلل،د اهل تشیع د وکیلانو د اتحادیې رئیس انجنیر محمد کریم بري د خلګو په استازیتوب د کندهار ښآروال او دده د پرسونل روان انکشافي کارونه او پراخي هلي ځلي د کندهاریانو لپاره هیله بخښوونکې وبلل او د خپله طرفه یې په هره عرصه کښي د پوره همکارۍ ډاډ ورکړ،د سیمي د مشرانو اوسپین ږرو په استازیتوب غلام سخي مرادي هم د کندهار ښآروال او دده د پرسونل روان کارونه او چاري ښه وارزول او په کارونو کښي یې ورته دلا بریالیتوب هیله وکړه،وروسته داتمي ناحیې د اولسي مشرانو او استازو لخوا کندهار ښاروال حسن حاجي صاحب ته،سکټوري او تخنیکي رئیس احمد جاوید میوند ،د ښاري حکومتولۍ رئیس حاجي تحویلدار صاحب او ساختماني انجنیر محمد نبي ته د افغانۍ او پښتني کلتور سره سم داعزاز بګړۍ ورپرسر کړل سولې او په کارونو کښي د بریالیتوب دعا ورته وسوه.

 

تازه خبرونه

شنبه ۱۴۰۱/۱۱/۱۵ - ۱۳:۱۵
Background image

کندهار ښاروالۍ په کندهار ښار کښي پرمختیایي او رغنیزه دستګاه چټکه کړې ده!

کندهار ښاروالۍ د کندهار ښار په پنځلسو ناحیو کښي د معیاري او اساسي ضرورتونو په نظر کښي نیولو سره لومړیتوبونو او اساسي ضرورتونو ته رسیده ګي کړې ده،د کندهار ښآر په ناحیو کښي اساسي او. . .

شنبه ۱۴۰۱/۱۱/۱۵ - ۱۲:۱۱
Background image

کندهار ښاروالۍ د خپل عزتمن او معزز اولس د سهولت په منظور په هره ناحیه کښي اسانتیاوي رامنځته کوي!

ګران ښاریان کولائ سي د خپلي ښاروالۍ سره دهمکارۍ په اساس همیشه اوږه پر اوږه ودریږي او دغه تاریخي ښار ته په پوره خدمت کولو سره په ښه توګه وظیفوي مسؤلیت درک کړي.

شنبه ۱۴۰۱/۱۱/۱۵ - ۱۰:۵
Background image

د کندهار ښاروالۍ د سرسبزۍ عمومي مدير انجينر نجیب الله «نوري» وايې راسره پرسونل مو خپلي چاري د شپې او ورځي تل جاري ساتلي دي!

د کندهار ښاروالۍ د سرسبزۍ پرسونل د دې تاریخي ښار د سرسبزه ساتلو اوسمسورتیا په موخه چټکي هلي،ځلي تل جاري ساتلي دي،د کندهار ښاروالۍ د سرسبزۍ مدیر انجنیر نجیب الله نوري وایي: د کندهار. . .

BACK TO NEWS