کندهار ښاروال له ځينو انکشافي پروژو څخه ليدنه وکړه

km_admin
دوشنبه ۱۳۹۹/۴/۹ - ۱۶:۳۵
Kandahar Municipality

کندهار ښاروال انجنير محمدرفيع حيات نن/ دوشنبه د کندهار ښار شپږمي ناحيې ته ولاړ او هلته يې د روانو دوو انکشافي پروژو له کارونو څخه له نژدې ليدنه وکړه. کندهار ښاروال د سړکونو، چريو او سلبونو د جوړولو دغو پروژو لومړني کارونه ښه وارزول، خو د کيفيت د لا لوړوالي په خاطر يې د پروژو پلي کوونکو ته لازمي سپارښتني وکړې. نوموړي د پروژو پر کيفيت ټينګار وکړ او ويې ويل چي دا يوازي د کندهار ښاروالي نه، بلکي د هر ښاري غوښتنه ده.

ښاغلي حيات دغه راز د شپږمي ناحيې له آمر صالح محمد نوري او د نوموړي ناحيې له خلکو سره هم ناسته وکړه. ښاروال په ټول کندهار ښار؛ په ځانګړي ډول شپږمه ناحيه کي د ښاروالي د عادي او انکشافي خدماتو؛ په خاصه توګه د روانو انکشافي پروژو په اړه د خلکو نظرونه، پېشنهادونه او انتقادونه يو په يو واورېدل او

Kandahar Municipality

ډاډ يې ورکړ چي د امکان تر حده به يې په پام کي نيسي.

کندهار ښاروال د شپږمي ناحيې د آمر او د هغه د کاري ټيم له لوري وروستي نوښتونه هم وستايل او د نوموړي سيمي له اوسېدونکو يې هم مننه وکړه چي د شپږمي ناحيې د آمريت په تجهيزولو او ترميمولو کي يې د خپل احساس پر اساس برخه اخيستې ده. ښاروال دغه راز خوښي وښوده چي د کندهار ښاروالي د محلي/ناحيوي څانګو د اجرااتو او خدماتو وړتيا ورځ تر بلي زياتېږي، په چارو کي د خلکو دخيلتيا زياتېږي او په پايله کي يې غوره او جوابګويه ښاري حکومتولي تأمينېږي

تازه خبرونه

سه‌شنبه ۱۳۹۹/۶/۲۵ - ۱۲:۳۷
Background image

کندهارښاروالي په اساسي توګه سره رغنیزي چاري ترسره کوي .

کندهارښاروالي دخپلو روانو رغنیزو پروژو په لړ کښي د ښار د پنځمي ناحیې اړوند په څلورم ګذر ساحه کښي د ۱۴۲۰متره په طول ۸متره په عرض دیوه سړک د جوړېدو چاري راپیل کړي دي ددې ترڅنګ دهمدې سړک. . .

دوشنبه ۱۳۹۹/۶/۲۴ - ۸:۳۱
Background image

دمعیاري ګذرونو دجوړېدو ترڅنګ دګذرونو د وکیلانوټاکني کيږي .

د کندهار ښاروالي لخوا دټاکل سوي کمیټې دغړو په شتون کښي دطرزالعمل سره سم د څلورمي ناحیې د لومړي او دریم ګذر لپاره ټاکني ترسره سوې چي لومړي ګذر ته حاجي محمد اسماعیل جان کاندید و سیال یې. . .

دوشنبه ۱۳۹۹/۶/۲۴ - ۸:۲۹
Background image

د چاپېریال ساتني ملي ادارې پلاوو د ۱۵ ناحیو د ګذر له وکیلانو اوصنفي اتحادیې له استازو سره وکتل

نن دکندهار ښاروالي د شهید حمیدي صاحب د غونډو په تالار کي د چاپېریال ساتني د عمومي ادارې څخه د چاپیریال ساتني د ارزولو په موخه راغلي پلاوو د ولایت مقام مرستیال ښاغلي فیصل شېرزی، کندهار. . .

BACK TO NEWS