د لومړۍ ناحیې په کچه د ښاري بحثونو(Urban dialogue)غونډه تر سره سوه.
د کندهار ښاروالي د خوا د چهار شنبې په ورځ د لومړۍ ناحیې په کچه د ښاري بحثونو(Urban dialogue) غونډه ترسره سوه چي پکښي د ښاري حکومتولۍ رئیس عبدالواحدشاه هاشمي، د لومړۍ ناحیې امر د مربوطه ناحیې اړوندو سکټورونو، نظامي او ملکي مسئولینو او د یادي ناحیې د ګذرونو وکیلانو، استازو او مشرانو ګډون کړی وو.
په یاده غونډه کښي د لومړۍ ناحیې په سطحه ټولو اړوندو مسئولینو ولس ته جواب ووایه د خپلو اجرأتو په اړه یې معلومات ورکړل, او د خپلو سکټورونو لاسته راوړني، وړاندیزونه او پیشنهادات یې د خلګو سره شریک کړل.
وروسته د لومړۍ ناحیې اوسېدونکو او د ګذرونو وکیلانو د هر مربوطه سکټور څخه پخپله برخه کښي پوښتني و درلودلې او په اړه یې د مربوطه سکټور مسئول کس ورته معلومات ورکړه او یو په یوه یې د خلګو هر سوال او پوښتنه جواب کړه.
د لومړۍ ناحیې د اوسېدونکو او مشرانو د خوا یاد نوښت وستایل سو او د کندهار ښاروالۍ ریاست څخه یې غوښتنه کول چي همداسي د همږغۍ او ښاري بحثونو پروګرامونه نورهم جوړ کړي, ترڅو بهتره ښاري حکومتولي په وجود راغلې وي او هم د ملت او دولت ترمنځ یو قوي تعهد رامنځته سوي وي.
