د ښکار پور دروازې سړک د لومړي فاز د بشپړېدلو هڅي جريان لري .
سه شنبه ٢۶ / ١٠ / ١٤٠٢ ه ش کال
کندهار ښاروالۍ د ښکار پور دروازې سړک د لومړي فاز د پاته برخي د قيريزۍ کولو چاري راپيل کړي دي.
دغه سړک چي د يخ کاريز او کرز دوه لاري څخه شروع بيا د کرز تر پله پوري غځيدلي دي تقريباً ( ٢٧٢٠ ) متره اوږدوالۍ او لومړئ فاز يې ( ١١ ) متره بردوالۍ لري.
په داسي حال کښي يې د لومړي فاز کارونه بشپړ کيږي چي د دوهم فاز رغنيزي چاري يې هم تقريباً ( ٥٥ ) فيصده بشپړي سوي دي او ډېر ژر به د دغه مهمي او اساسي لاري رغنيزي چاري بشپړي سي او د ترافيکو پر مخ پرانيستل سي.
دغه مهمه او اساسي لاره چي د کلونو کلونو راهيسي ورانه او ويجاړه وه او ددې لاري تلوونکي کسان يې له سخت مشکل سره مخامخ کړې وه، کندهار ښاروالۍ يې د رغولو چاري راپيل کړي او ډېر ژر به يې ټولي رغنيزي چاري بشپړي سي
د ذکر سوي مهمي او اساسي لاري په رغولو سره د همدې لاري تلوونکو کسانو زياته خوښي وښودل او د ښاروالۍ ددغه مهم او اساسي ګام څخه يې ځانګړې مننه وکړل.
په درنښت
د کندهار ښاروالۍ د ويب سايټ مديريت
