کندهار ښاروالۍ د ښار په ۷ ناحيه، ۴ ګذر کښي د ۴ کوڅو د کانګريټ کولو چاري راپيل کړي دي!
چهار شنبه ۲۶ / ۱۰ / ۱۴۰۲ ه ش کال
کندهار ښاروالۍ د خپلو پراخو انکشافي او پرمختیايي فعالېتونو په جریان کښي داځل د ښار په ۷ ناحيه، ۴ ګذر کښي د ۴ کوڅو د کانګريټ کولو چاري راپيل کړي دي.
یادي کوڅې د مختلفو عرضونو په درلودولو سره تقريبا ( ۷۲۸ ) متره اوږدوالۍ لري، چي یوه نیمه مياشت مخکي ئې رغنیزي چاري راپيل سوي دي او پاته کارونه به ئې د دوو مياشتو په موده کښي بشپړ سي.
په دغه رغنيزه پروژه کښي هره ورځ ( ۶۰ ) کسانو ته د کار کولو زمينه برابره سوې ده چي ( ۹ ) کسان په مسلکي ډول او ( ۵۱ ) کسان په غيري مسلکي ډول په کار کولو بوخت دي.
د دغه کوڅو په اساسي ډول رغولو سره د همدې سيمي اوسېدونکو زياته خوښي وښودل او د کندهار ښاروالۍ څخه ئې ځانګړې مننه وکړل.
په درنښت
د کندهار ښاروالۍ د ويب سايټ مديريت
