د کندهار ښاروالۍ د خالي ګذرونو د اعلان خبرتيا!

د کندهار ښاروالۍ د شپږمي ناحیې اړوند (۲) ګذر- د اوومي ناحیې اړوند (۱۰-۱۱) ګذر- د نهمي ناحیې اړوند (۴-۷-۸-۹) ګذر- د یوولسمي ناحیې اړوند (۳-۵) ګذر او د دیارلسمي ناحیې اړوند (۱) ګذر متنفذینو، علماوو، مشرانو او ځوانانو ته خبر ورکول کیږي چي د خپلو ناحیو اړوند د پورته ذکر سوو خالي ګذرونو له پاره د شرایطو په نظر کي نیولو سره ۱۶/۲/۱۴۰۲څخه بیاتر ۲۱/۲/۱۴۰۲ نیټې پوري خپل ځانونه نوماند کړئ.

د ګذر وکیل د کاندیدو شرایط:

۱. د افغانستان تابیعت ولري.

۲. عمر ئې له ۲۵ کلنی څخه پورته وي.

۳. د دولسم ټولګۍ د فراغت اسناد یاید ولري. (( او یاهم د هغه معادل د اسلامي علومو سند ولري.))

۴. د درو کلونو له پاره په اړونده ګذر کي استوګنه ولري.

۵. په اړوند ګذر کي غیري منقول ملکیت ولري.

۶. د نیک شهرت لرونکی او د عدلي او قضائې ارګانو لخوا تر تعقیب لاندي نه وي.

۷. د بشپړي جسمي او روحي روغیتا درلودونکی وي.

لاندي کسان نسي کولای د ګذر د وکالت له پاره ځان نوماند کړي.

۱. په هغه صورت کي چي د دولت رسمي کارمند وي.

۲. هغه شخص چي د خلګو د نا رضایتۍ په وجه د ګذر د وکالت څخه عزل کړل سوی وي.

۳. په هغه صورت کي چي د اداري فساد په جرم محکوم وي.

۴. په هغه صورت کي چي د محکمي له لوري د مدني حقوقو په محرومیت محکوم سوي وي.