دشپږمي ناحیې اړوند، په څلورم ګذر کي دیوې کوڅې د رغولو کار جريان لري!
کندهار ښاروالي دخپلو انکشافي فعالېتونو په دوام سره داځل د ښار په شپږمه ناحیه، څلورم ګذر، د لخشک په سيمه کي د یوې کوڅې د رغولو چاري په اساسي ډول راپيل کړي دي.
یاده کوڅه چي اوس مهال ئې دکیندل کاري چاري رواني دي، شاوخوا (۴۳۳) متره اوږدوالي او (۹) متره بردوالي لري، چي په معیاري ډول به ورغول سي.
ددې انکشافي پروژې رغنیزي چاري (۱۰) ورځي مخکي شروع سوي دي او پاته کارونه به ئې په یوه نیمه میاشت کي په اساسي ډول بشپړ سي.
د دې پروژې له لاري اوس مهال (۷۳) کسانو ته د کار زمینه برابره سوې ده، چي (۲) کسان په مسلکي ډول او (۷۱) کسان په غیري مسلکي ډول کار کوي.
د همدې کوڅې په رغولو سره د سیمي اوسېدونکو زیاته خوښي څرګنده کړه او د کندهار ښاروالۍ څخه ئې ځانګړي مننه وکړل.
