د کندهار ښاروالۍ اداري مجلس د مرستیال ښاروال ترمشرۍ لاندي جوړ سو!

zroohi_admin
Sun, Jan 22 2023 1:56 PM
اداري مجلس

په اداري مجلس کښي پر لاندي موضوعاتو مفصلي خبري او فیصلې وسوې.

د کندهار ښاروالۍ اداري مجلس چي د کندهار ښاروال دمرستیال مفتي قدرت الله الوصال ترمشرۍ لاندي جوړ سو د ښاري حکومتولۍ درئیس حاجي تحویلدارصاحب تر څنګ سکټوري او تخنیکي رئیس احمد جاوید میوند،د ۱۵ناحیو امرینو او دښاروالۍ د اړوندو امریتونو او مدیریتونو مسؤلینو په ننني اداري مجلس کښي ګډون کړی وو.

اداري مجلس ته د کندهارښاروالۍ د تهیه او تدارکاتو عمومي مدیریت څلور قراردادونه راوړل سوي وه چي تدارکاتي مرحلې یې بشپړي سوي وې د تصویب پر لارو چارو یې مفصل بحثونه وسوه او تر ډیرو دلایلو وروسته اداري مجلس یاد څلور قراردادونه چي د باغ پول داهلي حیواناتو د ګنج د کلنۍ اجارې،د حضرت جي بابا دوهم شمالي مارکیټ د وسایطو پارکینګ کلنۍ اجارې،د زاړه ګمرک په ساحه کښي د Bبلاک دریم او څلورم منزل دبلاخانو د کلنۍ اجارې او د ښار په ناحیو کښي د کوڅو د کانګریټ کولو،استنادي دیوالونو،چریو اوسلبونو دجوړولو پروژې قراردادونو باندي بحثونه وسوه او تصویب سوه.

د کندهار ښاروالۍ په ننني اداري مجلس کښي پر نورو مهمو او ښاري موضوعاتو باندي هم مفصل بحثونه وسوه ترڅو په ښه توګه سره د ښاروالۍ رواني چاري مخته ولاړي سي.

د کندهار ښاروالۍ مرستیال مفتي قدرت الله الوصال د چارو،کارونو او خلګو ته دښه ښاري خدمت کولو په پار د اداري مجلس غړو ته لازمي سپارښتني وکړې ترڅو د خلګو کارونه پر وخت اجرا سي ،په اصولي او قانوني توګه سره د خلګو په عرایضو کښي ځنډ رانیسي او د ټولو ناحیو د امریتونو دروازې باید دعام اولس پرمخ خلاصي وي ترڅو ګران ښاریان وکولائ سي په ښه زړه سره خپل اړونده ښاري موضوعات حل او فصل کړي.

Latest news

Thu, Dec 19 2019 12:01 PM
Background image

Kandahar Municipality defeats Khyber Afghan Team (5) in Friendly Match

riday ...
Municipality and Khyber Pakhtunkhwa teams lost 20 matches
The toss municipality won the first one to start their batting, scoring a paltry six (5) runs in the last 20 overs,
M. . .

Thu, Dec 19 2019 11:22 AM
Background image

School municipalities are campaigning for public awareness of city responsibilities

The Kandahar Municipality has given members of the Municipal Committees / Audit Municipalities of Kandahar City a public awareness brochure to provide to their school students and the. . .

BACK TO NEWS