د کندهار ښاروالۍ خبرتیا!
کندهار ښاروالۍ د دوهمي ناحیې اړوند (۴) ګذر د پنځمي ناحیې اړوند (۹) ګذر د اوومي ناحیې اړوند (۹،۱۰،۱۱) ګذرونه, د نهمي ناحیې اړوند (۶،۸) ګذرونه, د دولسمي ناحیې اړوند (۵) ګذر او د پنځلسمي ناحيې اړوند (۲،۵) ګذرونو متنفذینو، علماوو، مشرانو، ځوانانو او اوسېدونکو ته خبر ورکول کیږي، چي د خپلو ناحیو اړوند د پورته ذکر سوو خالي ګذرونو له پاره د شرایطو په نظر کښي نیولو سره د ۲۳/۱۰/ ۱۴۰۲څخه تر ۱/۱۱/۱۴۰۲ نیټې پوري خپل ځانونه نوماند کړي.
د ګذر وکیل د کانديدېدو شرایط:
۱. د افغانستان تابعیت ولري.
۲. عمر ئې له ۲۵ کلنۍ څخه پورته وي.
۳. د دولسم ټولګۍ د فراغت اسناد باید ولري (( او یا هم د هغه معادل د اسلامي علومو سند وي.))
۴. د دروو کلونو له پاره په اړونده ګذر کښي استوګنه ولري.
۵. په اړونده ګذر کښي غیري منقول ملکیت ولري.
۶. د نیک شهرت لرونکئ او د عدلي او قضائي ارګانو لخوا تر تعقیب لاندي نه وي.
۷. د بشپړي جسمي او روحي روغتیا درلودونکئ وي.
- لاندي کسان نه سي کولائ د ګذر د وکالت له پاره ځان کاندید کړي:
۱. په هغه صورت کښي چي د دولت رسمي کارمند وي.
۲. هغه شخص چي د خلګو د نارضایتۍ په وجه د ګذر د وکالت څخه عزل کړل سوئ وي.
۳. په هغه صورت کښي چي د اداري فساد په جرم محکوم وي.
۴. په هغه صورت کښي چي د محکمې له لوري د مدني حقوقو په محرومیت محکوم سوئ وي.
#یادونه: د ثبت نام په وخت باید تعلیمي اصلي اسناد، اصلي تذکره او د کور د صفائي کتابچه د ځان سره ولري.
#د ثبت نام ځای: د کندهار ښاروالۍ، د ښاري حکومتولۍ ریاست، د ګذرونو د تنظیم او همږغۍ مدیریت.
په درنښت
ذبيح الله ( روحي )
د کندهار ښاروالۍ د ويب سايټ مدير
