د ( ۱۱۰ ) پايو سولر څراغانو د پروژې افتتاح ترسره سول!
چهار شنبه ۲۱ / ۴ / ۱۴۰۲ ه ش کال.
د کندهار ښار په شاه بازار کښي نن چهار شنبه د ملګرو ملتونو( يو آین هبيتات ) مؤسيسې لخوا د ( ۱۱۰ ) پايو سولري څراغانو د پروژې افتتاح ترسره سول، چي پکښي کندهار ښاروال حسن حاجي صاحب، د ښاروالۍ نورو مسؤلينو او په افغانستان کښي د ملګرو ملتونو ( يو اين هبيتات ) مؤسيسې مشر( سيد سعدالله وهاب ) او عامو هيوادوالو ګډون کړئ وو.
د يادي افتتاح د پيل وينا د کندهار ښاروال حسن حاجي صاحب وکړل او د ملګرو ملتونو ( يو اين هبيتات ) مؤسيسې څخه يې ځانګړې مننه وکړل چي د نورو رغنيزو کارونو ترڅنګ يې د ښار په روښانه کولو کښي هم بې ساري هلي ځلي کړي دي او هم يې د لازياتو همکاريو غوښتنه ورڅخه وکړل.
ورپسې په افغانستان کښي د ملګرو ملتونو ( يو اين هبيتات ) مؤسيسې مشر سيد سعدالله وهاب خبري وکړې او د کندهار ټول اولس ته يې د دغه ستري پروژې مبارکي وويل او هم يې د ټولو ښاريانو څخه غوښتنه وکړل چي د خپل ښاروالۍ سره اوږه پر اوږه کار وکړي تر څو د ښار په پرمختګ او ښکلا کښي مو پوره برخه اخيستې وي.
سيد سعدالله وهاب په خپلو خبرو کښي وويل چي ددغه سولر څراغانو نصبول به د ( ۲ ) مياشتو په موده کښي بشپړ سي.
دغه څراغان چي په چين هيواد کي په فرمايشي ډول جوړ سوي او راغوښتل سوي دي، په اتومات ډول به د شپې لخوا روښانه کيږي او د ښار په روښانه کولو او ښکلا کښي به پوره رول ولوبوي.
د يادو سولري څراغانو د پروژې لګښت ( 81,902 ( امريکايي ډالر کيږي چي د افغانستان لپاره د ځانګړي وجهي صندوق (STFA) لخوا ورکول کيږي.