په ښار کښي د زرغون چاپيريال د ساتني هڅي جريان لري!
کندهار ښاروالي د خپلو پرمختیايي فعالېتونو ترڅنګ تل هڅه کوي، چي د ښار په بېلا بیلو ساحو کي د ښار د ښکلا ترڅنګ، د هوا د ککړتیا او مختلفو ساري ناروغیو د مخنیوي په خاطر زرغون چاپیریال هم رامنځته کړي.
د کندهار ښاروالۍ اړوند د سرسبزۍ عمومي مديريت له لوري نن د دوهمي ناحیې اړوند په بېلابیلو برخو کي د سرسبزۍ د ساتني او پالني په موخه د مختلفو نهالانو، ناجوګانو، چمنونو او عمومي ګلدانونو د اوبولو او روزلو چاري په منظم ډول ترسره سوې.
درنو هیوادوالو!
کندهار ښاروالي د ښاري نظم د ټینګښت او د زرغونو ساحو د پراختیا په موخه خپلي هڅي رواني ساتي، ترڅو ښاري ښکلا رامنځته او د ټولو ښاریانو لپاره د هوسایني زمینه برابره سي؛ نو هیله ده، چي د ښار ښکلا او سمسورتیا په برخه کي له کندهار ښاروالۍ سره همکاري وکړئ.
