د کندهار ښار په دريمه ناحيه، څلرم ګذر کي د ده خواجې مانده د سنګ کاري کولو کار جريان لري
کندهار ښاروالۍ د خپلو انکشافي کارونو په لړ کي دښار په دريمه ناحيه، څلرم ګذر کي د ده خواجې مانده د سنګ کاري کولو چاري پيل کړي دي.
دا مانده چي د ۵۰۷ متره په اوږدوالي، ۶ متره بردوالي او ۳ متره په جګوالي سره په اساسي ډول رغول کيږي، دوې مياشتي مخکي يې د رغولو چاري پيل سوي دي، تردې مهاله يې ۷۵ سلنه کارونه بشپړسوي دي او پاته کارونه به يې ديوه نيمي مياشتي په موده کي بشپړسي.
په دغه ستره رغنيزه پروژه کي هره ورځ ۱۰۰ کسانو ته دکار کولو زمينه برابره سوې ده، ۲۰ کسان په مسلکي ډول او ۸۰ کسان په غيري مسلکي ډول په کار کولو بوخت دي.
ددې مانده په سنګ کاري کولو سره دسيمي خلګو زياته خوښي وښودل او دکندهار ښاروالۍ ددې مهم ګام څخه ئې ځانګړې مننه وکړل.
