د کندهار ښار په دريمه ناحيه کي د يوې مهمي کوڅې د اساسي رغولو چاري راپيل سوې!
کندهار ښاروالي داځل د ښار په دريمه ناحيه، اووم ګذر کي د شهيد کوڅې د اساسي رغولو چاري راپيل کړې.
دغه کوڅه چي ۴۲۵ متره اوږدوالی او اووه متره بردوالی لري فعلا يې د رغولو چاري راپيل سوې چي ټولي رغنيزي چاري به يې د دوو نيمو مياشتو په موده کي بشپړي سي.
په دغه رغنيزه پروژه کي هره ورځ ۷۰ کسانو ته د کار کولو زمينه برابره سوې ده چي ۴ کسان په مسلکي ډول او ۶۶ کسان په غيري مسلکي ډول کار کوي.
د يادوني وړده چي د نوموړي کوڅې د کانګريټ کولو ترڅنګ ۸۰ متره چرۍ او يو پلچک هم په اساسي ډول رغول کيږي.
د همدې کوڅې په رغولو سره د سيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړل.
