د کندهار ښار په پنځمه ناحيه، احمد شاهي مېنه کي دسړک رغولو کار جريان لري
کندهار ښاروالۍ دخپلو انکشافي کارونو په لړ کي د پنځمي ناحیې اړوند په احمدشاهي مېنه کي د یو کیلو متر سړک د رغولو چاري په اساسي او معیاري ډول پیل کړي دي.
ياد جوړېدونکی سړک د يوکيلومتر په اوږدوالي، د چريو په شمول د لس متره په بردوالي سره په اساسي ډول رغول کيږي.
په دې پروژه کي اوس مهال (۴۰) کسانو ته د کارکولو زمینه برابره سوې ده چي (۱۰) کسان په مسلکي او ۳۰ کسان په غیري مسلکي ډول په کار کولو بوخت دي.
ددې پروژې عملي چاري يوه مياشت مخکي پيل سوي او ټاکل سوې ده چي پاته کارونه به ئې د دوو مياشتو په موده بشپړ سي.
د دغه سړک په جوړولو سره د سیمي خلګو زیاته خوښي وښودل او د کندهار ښاروالۍ څخه ئې ځانګړی مننه وکړل
