د کندهار ښاروالۍ د جواز مدیریت خبرتیا!
داچي کندهار ښاروالۍ د ښاریانو د لاسهولت په خاطر د ښاروالۍ په مرکز کي د جواز عمومي مدیریت په فعالیت پیل کړئ دی؛ نو محترم ښاریان کولائ سي چي د ناحیو ترڅنګ د ښاروالۍ په مرکزي څانګه کي هم د خپل فعالیت صنفي جواز ترلاسه کړي.
یادونه: ښاریان کولائ سي د جواز ترلاسه کولو لپاره دغه لارښوني په پام کي ونیسي:
اول: د جواز عمومي مدیریت یوازي تمدید جوازونه نوي کولائ سي.
دوهم: که چیري ستاسو جواز باقي وي، نو تاسي حتماً خپل د جواز باقیات تحویل کړئ.
دریم: که چیري تاسو د ښاروالۍ او یا ناحیو له طریقه غواړئ جواز ترلاسه کړئ نو تاسو به له ځان سره یوه عریضه، دوه قطعې عکسونه، یوه د تذکرې کاپي او زوړ جواز ولرئ.
څلورم: د جواز د فعالیت نېټه د یوه مالي کال لپاره اعتبار لري.
پنځم: جواز د یو شخص له نوم څخه د بل شخص نوم ته د مالي کال په جریان کښي نسي ترسره کیدلئ.
شپږم: که چیري د یو شخص د سوداګرۍ ځای معلوم نه وي، نو نوموړئ شخص ته په هیڅ صورت سره جواز نه ورکول کیږي.
اووم: هرکسب کار دجواز د لایحې سره سم خپل مبلغ تادیه کولائ سي.
اتم: که چیري یو شخص خپل سوداګري د یوې ناحیې څخه بلي ناحیې ته انتقالوي په دې صورت کښي به نوموړئ شخص خپلي ناحیې ته خبر ورکوي.
نهم: جواز درلودونکئ مکلف دی، چي خپل د دوکان په داخل کي او یا د سوداګرۍ ساحې په داسي ځای نصب کړي، چي و خلګو ته دلیدلو وړ وي.
