د کندهار ښاروالۍ خبرتیا!

د لوی اختر په مبارکو ورځو کي ډېر کله لیدل کیږي، ځني مالداران خپل څاروۍ د پُسو د ګنج پر ځای د ښار په نورو سیمو کي دروي او بیا ئې خرڅوي، چي دغه کار د ښار تنظیف او سرسبزی ته سخت زیان لري.

لهذا د کندهار ښاروالۍ له خوا ټولو مالدارانو ته خبر ورکول کيږي. چي خپل څاروي په هغه مشخص سوو ځایونو/ګنج کي وپلورئ، که د ښار په نورو ځایونو کی ولیدل سي او یا د ښار تنظیف او سرسبزي ته زیان ورسیږي، د ښاروالۍ له خوا جریمه کېږئ، بیا حق د شکایت نه لرئ.

او هېره دي نه وي، چي کندهار ښاروالي په ښار کي د تخلُف د مخنیوي له پاره ګرځنده ټیمونه مؤظف کړي دي، تر څو دغه ټیمونه د اختر په دې مبارکو ورځو کي د وزن کمولو، د یخي/ ډوډۍ ګرانولو او له هغو نورو چارو نظارت وکړي، کوم چي په ښار کي د نظم او چاپېریال د ګډوډۍ سبب کیږي.

په همدې موخه کندهار ښاروالي د ښار ټولو اوسېدونکو ته خبر ورکوي، چي که تاسو د ښار په کومه برخه کي تخلُف وینئ او یا د خپلي سیمي د کثافاتو څخه په تکلیف یاست، نو د مهربانۍ له مخي د کندهار ښاروالي د دې ګرځنده ټیمونو سره په اړیکه کي سئ، کوم چي شمېرې ئې لاندي ذکر سوي دي، تر څو کثافات مو انتقال او له تخلُف کارانو سره قانوني چلند وسي.

0700203234 / 0700267798 / 0700341389