د کندهار ښاروال په مشرۍ د ناحیو لپاره له مشورتي بورډ سره غونډه تر سره سوه !
په دې غونډه کي کندهار ښاروال انجینر محمد رفیع حیات، د ښاري حکومتولۍ ریس واحد شاه اغا هاشمي او د ناحیو لپاره د مشورتي بورډ غړو ګډون کړی وو .
لومړی د کندهار ښاروال له لوري په کندهار کي د روانو لویو او کوچنیو پروژو د کار د جریان په اړه معلومات وړاندي سوه، چي تر ټولو لويي پروژې د کندهار ښاروالۍ او ښاري پانګوني پروګرام په ګډه همکاري، کندهار ښاروالي اوولسي تړون ملي پروګرام په ګډه همکاري، نړیوال بانک او کندهار ښاروالي په ګډه همکاري او دې ورته نورو هغه پروژو اړوند معلومات وړاندي سوه چي د کندهار ښاروالۍ له انکشافي بودیجې څخه جوړیږي او کار يې په چټکۍ روان دئ.
کندهار ښاروال ښاغلي محمد رفیع حیات د مشورتي بورډ غړو ته د ثابت او غیر ثابت عوایدو د کسر په اړه اندیښنه څرګنده کړه، د مالیاتو د صفایي او جوازونو د کنټرول په اړه یې ددوئ له همکارۍ مننه وکړه او پر وخت د راټولولو لپاره یې د مشورتي بورډ په مرسته د خلکو همکاري له کندهار ښاروالۍ سره تر ټولو مهمه وګڼله !
کندهار ښاروال د ښاري پراختیا په برخه کي هره لاسته راوړنه شریکه وبلل او زیاته یې کړه چي له ټولو روانو پروژو په اونۍ کي څو څو ځله لیدنه کوي.
د دې مشورتي بورډ مرستیال د خپلو خبرو پر مهال له کندهار ښاروالۍ مننه وکړه چي دوئ د ولسونو او ناحیو ستونزي ورسره شریکي کړي او کندهارښاروالۍ یې په پوره حوصله ستونزو ته رسیدګي کړې ده .
د غونډي نورو ګډونوالو او د مشورتي بورډ غړو د ښار بیلابیلو ساحو ستونزي، پرمختګونه او ولسونو غوښتني له خلکو سره شریکي کړې چي تر ټولو مهمي یې د سولري څراغونو ساتنه، د کثافاتو پر وخت وړل، د پاتاب پاکېدل او دې ته ورته نوري چي باید پر وخت څارنه ورڅخه وسي.
کندهار ښاروال انجینر محمد رفیع حیات د معلوماتو ورکولو تر څنګ په ښاري همکاري کي د ولسونو ونډه له خورا لوی مؤثریت څخه ډکه وبلل او د مشورتي بورډ په مرسته یې په دې برخو کي ورڅخه وغوښتل چي لا ولسونه همکارۍ ته تشویق کړي .
