د کندهار ښاروالۍ اداري غونډه جوړه سوه.
د کندهار ښاروالۍ اداري غونډه دکندهار ښاروال انجنیر محمد رفیع حیات ترمشرۍ لاندي جوړه سوه چي پکښي دکندهار ښاروالۍ د اړوندو ریاستونو،امریتونواومدیریتونو استازو پکښي برخه لرل.
اداري مجلس پر لاندي موضوعاتو مفصلي خبري او فیصلې وکړې.
د ناحیو امریتونو او نورو اړوندو عیداتي منابعو ته دنده وسپارل سول چي دکسر مخه ونیسي او ژر تر ژره په ښه توګه سره خپل عواید پوره کړئ.
په ښار کښي د ځینو پارکینګونو د داوطلبۍ په اړوند ځيني مسایل تر بحث لاندي ونیول سول.
په کندهار ښار کي د روانو رغنیزو چارو او پرمختیایي پروژو په اړوند مفصلي خبري وسوې او معلومات شریک سوه .
 |
 |
د کندهار ښاروالۍ په اداري غونډه کي د ښاروالۍ د روانو،تیرو او راتلوونکو پلانونو په اړه هم خبري وسوې او په اړه یې د پوره اماده ګۍ ډاډ تر لاسه سو.
د غونډي په وروستۍ برخه کي کندهار ښاروال انجنیر محمد رفیع حیات د اداري مجلس ګډونوالو ته وویل د ښاریانو ژوندانه ته د سهولت په منظور دي دښاریانوسره په ورځنۍ چارو کي همکاري وکړئ ،کارونه دي ورته اسانه کړل سي او په ګډو تصامیمو کښي دي ښاریان راګډ کړل سئ.
 |
 |
 |
 |
