په اشرف البلاد ښار (کندهار)کي د ښار د پاکوالي حشر ترسره سو.
کندهار ښاروال حسن حاجي صاحب وایي نن یې د اشرف البلاد ښار(کندهار) په ۱۵ناحیو کي د ښار د پاکوالي عمومي حشر ترسره کړ،چي پکښي د کندهار ښاروالۍ دمرستیال حاجي رحمت الله ترڅنګ د ښار ځوانانو،د کندهارښاروالۍ کاري پرسونل،مدني فعالانو،خبریالانواو عامو خلګو ګډون کړی وو.
کندهارښاروال د رسنیو سره په خبرو کښي وویل حشر دافغانانو ملي او کلتوري دود دی او همدا ډول نظافت د ایمان جز دی نو په همدې اساس یې د ښار په ټولو برخو کښي ګډ حشر پلان کړی وو او نن عملأ یاد حشر ترسره سو.
کندهار ښاروال وویل په دې سره به په خلګو کښي د ښارپاکوالي فرهنګ راژوندی کړي،د حشر کلتوري دود به ژوندی ساتي او هم به د خپل ښار لپآره د یوه خادم په توګه کارکوي ترڅو کندهار ښاریانو ته په هره برخه کي سهولت اجاد سي .
 |
 |
 |
 |
